Partia Demokratike vijon me akuzat ndaj qeverisë, që sipas tij e ka future vendin në krizën më të rëndë ekonomike. Duke iu bazuar të dhënave të INSTAT, eksperti I ekonomisë në Partinë Demokratike, Dorian Teliti, shprehet se rënia nuk fshihet dot, teksa rendit si sektorët më të goditur nga kriza Industrinë dhe Bujqësinë. SINK Fundosjen ekonomike tashmë nuk po mundohet ta fshehë as vetë qeveria, pasi është vetë Instati qeveritar, që zyrtarizon krizën që ka kapluar disa sektorë të ekonomisë. Dy janë sektorët më të goditur: industria dhe bujqësia. Në publikimin mbi ecurinë e ekonomisë në tremujorin e parë 2024, INSTAT vëren se sektori i industrisë, energjisë dhe ujit shënoi rënien e rradhës, me një ulje vjetore 1.05%, dhe sektori i bujqësisë pësoi rënien e mëtejshme prej 1.73%. … Rënia me 6.8% e industrisë përpunuese, e cila është praktikisht në të njëjtat trende renieje me ato të vitit të kaluar, ku ulja ishte 6%, i vendosin njëherë e mirë kapakun shpresave të qindra sipërmarrësve shqiptare që prisnin që qeveria tu jepte një mbështetje për të kaluar krizën e thellë tashme pothuajse 2 vjecare. Për këtë, demokratët shprehen të vendosur se krijimi i qeverisë teknike dhe zgjedhjet e lira e të ndershme, janë e vetmja mënyrë për të risjellë demokracinë dhe shtetin ligjor. Sipas Telitit PD ka një program të qartë për ekonominë që nga ulja e taksave, miratimi I minimumit jetik dhe mbështetjen e ekonimisë vendase.