Dorëheqja e Bill Gates në 2020-ën nga bordi i drejtorëve të Mikrosoft, erdhi pasi bordi punësoi një kompani ligjore për të hetuar një lidhje romantike që ai kishte me një punonjëse të Microsoft, sipas një raportimi të ri nga Wall Street Journal. Duke cituar burime të afërta me cështjen, journal raportoi të dielën se një inxhiniere Microsoft kishte supozuar në një letër se ajo kishte patur një marrëdhënie seksuale me zotin Gates. “Gjatë hetimit, disa anëtarë të bordit vendosën se nuk ishte më e përshtatshme për zotin Gates, të qëndronte si drejtor i kompanisë që vetë ai ngriti dhe udhëhoqi për dekada”, shkruante Journal. “Zoti Gates, dha dorëheqjen para se hetimi i bordit të përfundonte”. Emri i inxhinieres nuk përmendet në artikull. “Microsoft mori një ankesë në gjysmën e dytë të 2019, sipas të cilës Bill Gates kishte tentuar të niste një marrëdhënie intime me një punonjëse të kompanisë – ka konfirmuar një zëdhënës. Një komitet i bordit vlerësoi shqetësimin, i ndihmuar nga një kompani të jashtme ligjore. Gjatë hetimit, Microsoft ofroi mbështetje për punonjësen që ngriti shqetëismin”. Ndërsa një zëdhënës i gates ka thënë se ka patur një aferë thuajse 20 vite më parë, që u mbyll në mënyrë miqësore. Më herët, një artikull i Neë York Times, raportonte se Gates kishte krijuar reputacion për sjellje të papërshtatshme në punë. Times citonte persona në dijeni të zhvillimeve që thonin se në disa raste, Gates ndiqte gratë që punonin për të në Microsoft dhe fondacionin bill dhe Melina gates. Më herët këtë muaj, Melinda Gates, bashkëhsortja e bill gates, kërkoi divorcin. Në deklaratën që bënte të ditur ndarjen e tyre, cifti theksonte: Pas shumë mendimesh dhe shumë pune me marrëdhënien tonë, ne kemi marrë vendimin ti japim fund martesës”. Bill gates ëhstë një nga njerëzit më të pasur në botë. Pasuria e tij neto është aktualisht 144 miliardë dollarë.