Presidentja e Kosovës, Vjosa Osmani pritet të ftojë në ditët në vijim udhëheqësit e partive politike në takime, për të diskutuar konstituimin e Kuvendit të Kosovës. Sipas këshilltarit të Osmanit, Presidentja pret që partitë të zbarojnë aktgjykimin e Gjykatës Kushtetuese, që brenda 30 ditëve të konstituojnë Kuvendin. Për të 39-tën herë me radhë, të shtunën, deputetët nuk arritën ta konstituonin Kuvendin. Sipas partive opozitare, ndryshimi i mënyrës së votimit për kryeparpalentaren është jokushtetues. Më 28 qershor, kreu i LVV-së, Albin Kurti, ftoi udhëheqësit e partive politike për konsultime, por edhe pas dy orësh takim, palët nuk arritën asnjë marrëveshje për të dalë nga ngërçi politik. Kandidatja e LVV-së për kryeparlamentare, Albulena Haxhiu, pas vendimit të Kushtetueses ka deklaruar se do të tërhiqet nga kandidimi nëse në votimin e fshehtë nuk i siguron 61 votat e nevojshme. Që Kuvendi të konsiderohet i konstituuar, duhet që deputetët të votojnë për kryetarin dhe pesë nënkryetarët – për të cilët kërkohen 61 vota. Vetëm pasi të përmbyllet ky proces, LVV-ja si fituese e zgjedhjeve mund të provojë të formojë Qeverinë e re të Kosovës.