Situata në Egje po tensionohet sërish me dy incidente të raportuara së fundi nga pala greke. Athina e akuzoi Ankaranë se kërkon të “provokojë një përshkallëzim të situatës” në Detin Egje, përmes manovrave “të rrezikshme” dhe ndihmës joligjore që po u jep emigrantëve.“ Rojet bregdetare greke kanë raportuar për një sërë incidentesh me Rojet bregdetare turke, të cilat kanë shoqëruar anijet me emigrantë deri te kufiri me Europën, në përpjekje për të provokuar përshkallëzim me Greqinë”, njoftoi ministri greke e imigracionit. Autoritetet greke njoftuan me pare se një nga anijet e tyre në afërsi të ishullit Lesbos ishte “ngacmuar” nga një anije turke, e cila, sipas autoriteteve greke, ishte përfshirë në “manovra të rrezikshme”. Anija e marinës turke, sipas tyre, kaloi që kalonte me shpejtësi pranë një anijeje greke, duke shkaktuar dallgë të mëdha. Rojet bregdetare greke thanë se edhe dy incidente të tjera janë regjistruar, ku anijet e kontrollit të Turqisë, pretendohet se kanë tentuar që të ndihmojnë emigrantët që të hyjnë në ujërat greke.Në një prej incidenteve të pretenduara, Greqia tha se dy anije të marinës së Turqisë, kerkuan “të shtynin” një anije me refugjate në ujërat greke. Athina ka paralajmëruar Ankaranë që të bëjë patrulla më të kujdesshme, në mënyrë që të mos lejojë qindra migrantë dhe azilkërkues të nisen drejt Europës. Po ashtu, Greqia vazhdimisht ka kërkuar nga Turqia që të pranojë 1.500 azilkërkues të cilëve u është refuzuar kërkesa për azil nga autoritetet greke.