E gjithë italia ka hequr maskat dhe është bërë zonë me rrezik të ulët që nga e hëna, cka shënon një arritje të madhe për vendin e parë evropian që u godit nga pandemia globale në shkurt 2020. Në një dekret që hyri në fuqi të hënën, ministria e shëndetësisë, për të parën herë klasifikoi secilin nga 20 rajonet e Italisë me ngjyrë të bardhë, cka do të thotë rrezik i ulët sipas sistemit me ngjyra të vendit që vlerëson situatën e pandemisë. Kjo do të thotë që maskat mbrojtëse nuk do të jenë më të detyrueshme në ambjente të hapura dhe ky është një lajm i mirëpritur në të gjithë vendin, ku vala aktuale e të nxehtit pritet ti shtyjë temperaturat në mbi 40 gradë celcius në disa zona jugore të vendit, këtë javë.