SHBA janë seriozisht të shqetësuara për metodologjinë dhe mbi procesin me të cilin po hartohet raporti i OBSH mbi origjinën e covid 19, dhe një nga shqetësimet është se qeveria kineze me sa duket, ka ndihmuar në shkrimin e tij. Deklarata vjen nga sekretari amerikan i Shtetit, Antony Blinken. Raporti mbi misionin e OKB në Ëuhan, do të publikohet të martën, por kanë dalë ndërkohë detaje domethënëse. Sipas ekipit të përbërë nga 34 ekspertë ndërkombëtarë dhe kolegët e tyre kinezë, konsiderohet shumë e mundur hipoteza që koronavirusi është transmetuar tek njeriu nga një lakuriq nate, përmes një kafshe tjetër ndërmjetëse. Në të njëjtën kohë, raporti vlerëson se është shumë e pamundur që virusi të ketë dalë nga një laborator në Ëuhan. Këto konsiderata ishin dhënë në fakt edhe pas përfundimit të misionit të ekspertëve në kinë. Pra në thelb, misteri mbi origjinën e sars covd 2 nuk është zgjidhur ende. Aq sa shefi i OBSH ka nënvizuar se të gjitha hipotezat mbeten në tryezë dhe meritojnë studime të thelluara. Para së gjithash, duhet individualizuar kafsha që ka transferuar virusin tek njeriu. Mungon një fjalë e fundit edhe për hipotezën e një transmetimi direkt tek njeriu përmes mishit të ngrirë. Sipas OBSH mundësia është e vogël, por nuk mund të përjashtohet. Për pistën e mishit të ngrirë, kina ka insistuar shumë. Ideja e origjinës së agjentit patogjen nga një vend tjetër, është përdorur nga pekini për të hedhur poshtë akuzat se e ka keqmenaxhuar emergjencën. SHBA, nën drejtimin e Donald Trump, ka udhëhequr frontin anti kinez, aq sa 007-tat amerikanë kanë hetuar edhe hipotezën e një daljeje të virusit nga laboratori i Vuhanit ku kryeheshin kërkime mbi koronavirusin. Me ardhjen e Joe Biden në shtëpinë e bardhë, gjërat nuk ndryshuan, madje në uashington, raporti i OBSH është pritur me shumë skepticizëm.