Policia e Shtetit ka zhvilluar një aksion antidrogë këtë të premte në kryeqytetet, pasi ka marrë disa informacione se në zonën e ish Parkut jetonin disa persona të cilët ishin shpërndarës të lëndëve narkotike. Për pasojë, gjatë kontrollit në disa banesa dhe rrugica, është goditur një grup shpërndarësish, mes tyre edhe një efektiv I forcave special RENEA. Bëhet e ditur se efektivi i policisë është shtetasi Real Luli, I cili është arrestuar menjëherë nga policia. Burimet policore bëjnë me dije se në makinën më të cilën qarkullonte Luli iu gjetën disa doza lëndë narkotike, e dyshuar si kokainë. Rael Luli, u arrestua nga Shërbimi për Çështjet e Brendshme dhe Ankesat pranë Ministrisë së Brendshme. Ende nuk është bërë me dije roli që ka pasur efektivi dhe arsyeja që e ka çuar atë në pranga. Në prangat e uniformave blu kanë rënë edhe disa perosna të tjerë, indentiteti I të cilëve nuk është ende me dije, për asyse se janë ende nën hetim. Ndërkohë, operacioni për zbulimin e personave të tjerë të përfshirë në këtë grup kriminal është duke vijuar. Zona e ish-Parkut prej vitesh është përdorur nga shpërndarësit e drogës. Në mes të muajit qershor u godit një grup i ngjashëm ku u arrestuan dhjetëra persona.