Vendet nordike kanë regjistruar temperatura rekord gjatë fundjavës, me termometrin që ka shënuar 34 gradë celcius në disa zona. Të dhënat më të fundit erdhën pasi instituti i meteorologjisë në Finlandë, regjistroi temperaturën më të nxehtë për qershorin, që kur regjistrimi i të dhënave ka nisur në 1844. Kevo, në Lapland, qytezën që njihet edhe si shtëpia e Babagjyshit, regjistroi 33.6 gradë celcius të dielën, dita më e nxehtë kjo që nga 1914-ta, kur autoritetet regjistruan 34.7 gradë celcius. Temperaturat e larta pasojnë të nxehtin rekord dhe zjarret që shkaktuan shkatërrim në pjesë të amerikës së veriut. Vala intensive e të nxehtit vrau 95 persona vetëm në Oregon të SHBA. Qindra të tjerë besohet se kanë humbur jetën nga i nxehti në veri perëndim të Shteteve të Bashkuara dhe në Kanadanë jug perëndimore. Ekspertët dhe zyrtarët druajnë se kushtet katastrofike, të ushqyera nga kriza e klimës, vetëm sa do të përkeqësohen gjatë muajve të ardhshëm.