Presidenti i Iranit, Masoud Pezeshkian, ka reaguar pas sulmit që vendi I tij bëri ndaj disa basave të Shteteve të Bashkuara të Amerikës në shtete të ndryshme arabe, si Katari, Bahrein, Irak apo Kuvait. Në një postim në rrjetet sociale, presidenti Iranian shprehet se nuk ishin ata që e nisën luftën dhe as nuk e kanë dashur një gjë të tillë, por nuk do ta lënë pa përgjigje një agresion të till. “Ne nuk e nisëm luftën dhe as nuk e deshëm, por nuk do ta lëmë agresionin kundër ‘Iranit të Madh’ pa përgjigje”, shkroi Presidenti iranian Masoud Pezeshkian në një postim në X. Ai shton më tej: “Ne do ta mbështesim sigurinë e këtij kombi të dashur me gjithë qenien tonë dhe do t’i përgjigjemi çdo plage në trupin e Iranit me besim, mençuri dhe vendosmëri”. Ndërkohë në një deklaratë të Trupës së Gardës Revolucionare të Iranit thuhet kanë nisur një “sulm të fuqishëm dhe shkatërrues me raketa” në Bazën Ajrore Al Udeid në Katar, në përgjigje të sulmit të SHBA-së ndaj objekteve të tij bërthamore. “Republika Islamike e Iranit, duke u mbështetur te Zoti i Plotfuqishëm dhe te populli besnik dhe krenar i Iranit, nuk do të lërë kurrë pa përgjigje asnjë agresion kundër integritetit të saj territorial, sovranitetit apo sigurisë kombëtare”, thuhet në deklaratë.