Faza e sigurimit dhe konsolidimit të strukturës së katedrales së Notre Damit në Paris, e dëmtuar rëndë dy vite më parë nga zjarri, ka përfunduar. Lajmi është konfirmuar nga enti publik i ngarkuar me punimet në monument, që edhe saktëson se tani fillon nis faza e restaurimit. “Punimet për garantimin e sigurisë dhe konsolidimit kanë nisur më 16 prill 2019, të nesërmen e zjarrit dhe kanë përfunduar sipas kalendarit të përcaktuar”, thuhej në komunikatë. “Katedralja tashmë është e gjitha e sigurt dhe pas kësaj faze nis ajo e rindërtimit. Paralelisht, faza e restaurimit është përgatitur tashmë dhe këtë dimër nis puna. Presidenti Emmanuel Macron kishte premtuar, menjëherë pas zjarrit se katedralja do të rindërtohej brenda pesë vitesh. Kantieri nuk do ta respektojë këtë skadencë por për më 16 prill 2024, katedralja mund të rihapet për besimtarët. Atë ditë, sic kanë njoftuar zyrtarët, do të kthehet në katedrale edhe një meshë. Tani do të përzgjidhen kompanitë që do të marrin pjesë në punimet e rindërtimit.