Me dy foto në Twitter, një infermier në Spanjë tregoi pasojat e këtij viti të mundimshëm, të kaluar mes pacientëve në terapi intensive. Duket sikur janë realizuar me diferencën e një dekade në mes, kur në fakt, bëhet bëhet fjalë thjesht për disa muaj. Në foto, shihet qartë sesi Victor Aparicio është zbardhur krejtësisht. Flokët dhe mjekra i janë thinjur, rrudhat janë të thella. Transformimi i punonjësit shëndetesor spanjoll është dëshmi e qartë e një ngarkese të madhe fizike dhe psikologjike. Ai është përpjekur t`i bëjë edhe më të dukshme pasojat e të qënit në frontin e luftës kundër pandemisë. Kjo luftë i ka kushtuar jetën mjaft punonjësve shëndetësorë nëpër botë, por edhe tek të tjerët, ka lënë gjurmën e saj. “ Mendoj se ndryshimi i jashtëm është i qartë, ka shkruar vetë Aparicio në profiling e tij. Atë të brendshmin, nuk mundeni as ta imagjinoni”, shton ai. në këto kohë të vështira, bluzat e bardha në mbarë botën po përballen me vdekje, turne masakruese pune dhe rrezikun e përhershëm të infektimit.