Një sasi prej 7 kilogramë kokainë është sekuestruar këtë të premte nga policia italiane në rrugët e Firences. Tre persona u vunë në pranga nën akuzën e trafikut të drogës, në mesin e të cilëve edhe një vajzë shqiptare. Mediat italiane bëjnë me dije se grupi i trafikut të kokainës përbëhej nga një 67 vjeçar dhe një çift të rinjsh, përkatësisht një 28 vjeçar Italian dhe 26 vjecarja shqiptare. Sasia e kokainës u gjet në sediljen e pasme të automjetit i cili drejtohej nga 67 vjecari italian. Trafikantët ranë në prangat e policisë, pas denoncimeve të bëra nga qytetarët, ku thonin se disa persona silleshin në mënyrë të dyshimtë në rrugët e Firences.