Krerët e pavaksinuar të shteteve që marrin pjesë në Asamblenë e Përgjithshme të Kombeve të Bashkuara këtë javë mund të ddetyrohen të ushqehen me një picë në trotuar, në vend që të hanë ushqimet e shkëlqyera të restoranteve të Nju Jorkut. Ky ka qenë rasti i Presidenti të Brazilit Jair Bolsonaro, natën e tij të parë në Nju Jork, ku askush nuk lejohet të hyjë në restorantet e qytetit pa dëshmi të vaksinimit kundër COVID-19. Populisti i ekstremit të djathtë është një skeptik i vaksinave, ai është mburrur se nuk është vaksinuar, duke thënë para se të nisej për në Nju Jork se sistemi i tij imunitar është mjaft i fortë për të shmangur koronavirusin. Dy ministra të kabinetit në delegacionin e tij postuan një fotografi të Bolsonaros dhe ndihmësve të tij duke ngrënë pica në një trotuar të Nju Jorkut të dielën në mbrëmje.