Një në tre persona të infektuar me koronavirus mund të ketë simptoma afatgjata të shëndetit mendor dhe neurologjike. Kërkuesit dolën në këtë përfundim pasi zbuluan se 34 për qind e personave që kalojnë kovidin, kanë marrë një diagnozë për sëmundje neurologjike apo psikologjike brenda gjashtë muajsh nga infektimi i tyre. Sipas kërkuesve, covid 19 rrit kryesisht rrezikun e depresionit dhe demencës. Diagnoza më e zakonshme ishte ankthi, që u gjet tek 17 për qind e atyre të trajtuar për koronavirus, pasuar nga crregullime të humorit, që u konstatuan tek 14 pacientë. Dhe ndërsa pasojat neurologjike janë më të ashpra tek pacientët e shtruar në spital ato janë përsëri të zakonshme edhe tek një numër pacientësh të tjerë. “Niveli është rritur në mënyrë progresive ndërkohë që edhe ashpërsia e sëmundjes covid 19 ëhstë rritur. Nëse ne shohim pacientët që janë shtruar në spital, kjo shkallë rritet në 39 për qind”, thotë Maksim Taquet, një akademik në universitetin e oxfordit. Rezultatet do të ndihmojnë të hedhin dritë mbi mënyrën se si sistemi i kujdesit shëndetësor do të vazhdojë të ndihmojë të mbijetuarit e koronavirusit.