Cekia u kthye në njërin prej vendeve më të prekur nga koronavirusi, por vala pandemike atje duket se më në fund po tërhiqet, duke dhënë pak shpresa për normalitet. Qeveria ceke po planifikon lehtësimin e parë për këtë vit të masave anticovid. Kështu dyqanet për fëmijë pritet të rihapen, se bashku me kopshtet zoologjike dhe ato botanike. Sipas ministrit të industrisë, Karel Havliçek. Zbutja e masave do të përkojë me rikthimin në shkolla të nxënësve të ciklit të ulët, nga 12 prilli. Nisur nga kjo datë pritet të marrë fund edhe ndalim qarkullimi gjatë natës, si dhe kufizimi i lëvizjes midis qyteteve. Havliçek u shpreh se ekzekutivi me gjasë do ti japë masave dritën jeshile shumë shpejt. Dyqanet dhe restorantet kanë qenë të mbyllura ne ceki që prej tetorit. Në mars, Qeveria ka mbyllur të gjitha shkollat dhe ka shfrytëzuar kompetencat e gjendjes së jashtëzakonshme për të kufizuar lëvizjen e njerëzve brenda lagjeve të tyre. Lehtësimi i masave vjen në kohën kur numri i infeksioneve ditore me koronavirus ka rënë nën mesataren shtatëditore prej 5,000 të të infektuarve – dhe kjo përben herën e parë që vihet re ky fenomen që prej mesit të muajit dhjetor. mësohet po ashtu se kanë rënë ndjeshëm edhe shtrimet.