Koha e pritjes së përgjigjes së tramponit PCR për infektimin me Covid 19 ose jo, duket se do te shkurtohet. Te hënën do të fillojë aplikimi i testeve të shpejta antigene, që mundëson përgjigjen brenda 30 minutash. Ministrja e Shendettësisë Ogerta Mansatirliu bëri të ditur se testet e shpejta në fillim do kryhen në Tiranë, në kategorite që vlerësohen se janë prioritet, apo aty ku mendohet se ka vatra infektimi me koronavirus. Aktualisht ministria e Shendetesisë ka siguruar 100 mijë teste të shpejta. Ndërkaq shefja e departamentit të semundjeve infektive ne ISHP, Silva Bino tha se testet e shpejta zbulojnë infektimin nga covid brenda 5 ditëve të para. Sa i takon sigurimit të vaksinën kundër koronavirusit, ministrja manastriliu tha se jemi në fazën kur është bërë parapagimi tek covax dhe jemi në grupin e parë të vendeve që do përfitojnë vaksinën sapo ajo të jetë gati. Ministrja Manastirliu, tha se në rast të shtimit të fluksit në 4 spitalet covid që kanë të disponueshme 550 shtretër, do të hapen 5 spitalet e para rajonale për trajtimin e rasteve të para atje.