Të dielën e 11 Majit mbi 3.7 milionë shqiptarë do t’I drejtohen kutive të votimit për të shprehur vullnetin e tyre. Ata do të zgjedhin njërin mes 11 subjekteve apo koalicioneve politike që garojnë për të fituar sa më shumë mandate me qëllim që të kenë shumicën në Parlament. Ndërsa heshtja zgjedhore ka përfshirë të gjitha kampet politike, në të gjithë vendin ka nisur dhe shpërndarja e kutive dhe fletëve të votimit. Të gjithë komisionerët po paraqiten pranë KZAZV-ve dhe po marrin materialet të cilat më pas do të ruhen me efektivë policie në të gjitha qendrat e votimit deri në nisjen e procesit zgjedhor në orën 07:00 të mëngjesit. Votimet do të mbyllen në 19. Ndërsa në disa qarqe procesi is shpërndarjes ka nisur me vonesë pasi shumë nga komisiionerët nuk janë paraqitur në kohë. Por nga ana tejtër shkak për vonesat janë bërë dhe listat përfundimtare të subjekteve politike që kanë vendosur të bëjnë ndryshime në fund. Të parat që u shpërndanë nga baza materiale kanë qenë ato për zonat e thella malore.