Prezantuesja e njohur për Publikun Orjela Nebiaj, është kandidatja me nr 18 në listën shumëemerorë të PD në Qarkun e Tiranës. Ori siç jemi mësuar ta thërrasim të gjithë, një vajzë e lindur në 1985 në Tiranë ia mbërriti të bëhej e suksesshme dhe një model i besueshëm, falë karakterit të fortë të saj dhe mbështetjes familjare. Pa shkuar drejt zgjedhjes për të hyrë në përballje politike, e gjithë jeta e saj është një udhëtim i mbushur me dëshiren për të shëruar, kuruar, transformuar gjithçka që buron nga ngrehinat e kalbura të burokracive, padrejtësive, impostimeve. Nëse pjesa më e madhe e ndjekësve të saj në mediat sociale apo në përditshmëri, jetojnë me të komentuarit, ajo e di mirë se zgjedhja e saj për të kandiduar si deputete, nuk është pritur mirë në kampin tjetër kundërshtar. Por ajo nuk e sheh kaq të unifikuar dhe të kudogjendur frymën shqiptare me konceptin e politikës, të ngjyrës, të shenjës apo partisë kohët e fundit. Për të, në thelb, të gjithë në fund të ditës janë njëtrajtësisht shqiptarë dhe qytetaria duhet të prevalojë edhe kur zgjedhjet individuale nuk shkojnë komform pritshmërive apo projektimeve të ndokujt. Ori është kategorizuar në një përditësim më të thjeshtëzuar të politik-bërjes në komunitetin e saj fillimisht, e më gjerë në popullaritetin që e përndjek. Sipas saj, gjithçka në hapin final politik është zgjedhje dhe ky është hapi fillestar i saj drejt vullnetit për politikë. Fundi i të përfunduarëve është aty ku fillon puna e Nebiajt, me përfaqësimin e atyre që adresojnë problematika dhe lipsen për një zë të padëgjuar e për një fytyrë të papërlyer. E kjo nuk nënkupton, se ajo do mbetet krejt kalimthi dhe anonim në rrugëtimin e saj politik.