Shtetet e Bashkuara të Amerikës e konsiderojnë shumë të rëndësishëm nenin 5 të traktatit të NATOS, se një sulm i armatosur kundër një apo më shumë vendeve, do të quhet si sulm kundër të gjithë atyre. Kështu u shpreh sekretari amerikan i shtetit, Antony Blinken, gjatë vizitës së tij në Lituani. Këtë të hënë Blinken pati një takim me kryemininstren e Lituanisë, ku folën për agresionin e paprovokuar rus kudrejt Ukrainës. Sekretari amerikan i shtetit bëri dhe një reagim në rrjetin social Twitter, ku zbuloi detaje rreth takimit. Blinken shkruan se së bashku, riafirmuan se Putin duhet t'i japë fund luftës së paprovokuar në Ukrainë.