Kjo e re, milionere, dhe nënë e 11 fëmijëve, është aq e ‘varur’ ndaj fëmijëve sa që ajo do të ketë të paktën 100 dhe është e gatshme të paguajë për këtë. Nëna ruse, Kristina Ozturk, 23 vjec, ka aktualisht 11 fëmijë të saj dhe shpreson të ketë edhe dhjetëra të tjerë por jo t’i lindë vetë. Pavarësisht se është e zhytur deri në mes në panolina, e reja e adhuron jetën familjare me bashkëshortin e saj biznesmen, Galip Ozturk, 56 vjec, aq shumë, sa që cifti është i gatshëm të paguajë deri në 1 milionë dollarë për të pasur 10 foshnje nga nëna të marra hua...“Për momentin unë kam 10 fëmijë, me më të fundin, Olivian, që erdhi në jetë në fund të muajit të shkuar”, thotë Kristina. Ndërkohë që ajo vetë ka lindur vetëm vajzën më të madhe, Vika-n, gjashtë vite më parë. Pjesa tjetër e fëmijëve janë lindur nga nëna të huazuara. Cifti milioner ka zbuluar në llogarinë e tyre në mediat sociale se ata kanë diskutuar të kenë jo pak por 105 fëmijë, por pranojnë se ky është vetëm një numër i rastësishëm.. “Unë nuk e di se sa fëmijë do të kem, por sigurisht që nuk kam në plan të ndalem këtu”, thotë e reja. Nëse nëna që nuk ngopet me bebe do të donte të arrinte objektivin e saj para se të mbushë 30 vjec, ajo duhet të ketë 12 fëmijë cdo vit për shtatë vitet në vijim. Familja jeton në Batumi të Gjeorgjisë, ku është e ligjshme të përdoren nënat surrogate në shtatzani, secila me një kosto prej rreth 8 mijë eurosh.