Në vetëm 4 orë monitorim në aksin Sauk-Teg policia ka hequr 28 patenta dhe ka gjobitur 15 drejtues mjetesh, për shkeljeje të rregullave të qarkullimit rrugor. Gjatë monitorimit të kryer nga ora 20:00 e së premtes e deri në orën 24:00, janë hequr 12 patenta nga 2-8 muaj, pasi po udhëtonin me shpejtësi që varionin nga 144 km/h deri 156 km/h. Gjithashtu janë pezulluar 16 patenta, pasi drejtuesit në Tiranë janë kapur duke i dhënë mjetit nën efektin e alkoolit. Janë ndëshkuar me masë administrative nga 6.000 deri në 12.000 lekë të rinj, 15 drejtues mjetesh për shpejtësi nga 123 km/h deri në 127 km/h. Policia bën me dije se kontrollet kanë vazhduar dhe po vijojnë në të gjitha rrugët e kryeqytetit duke përdorur alkool-testuesit. Janë ndëshkuar me masë administrative nga 5.000 deri në 15.000 lekë të rinj, 26 drejtues mjetesh si dhe 4 të tjerë janë arrestuar për drejtim mjeti në gjendje të dehur. Policia rrugore bën thirrje që të udhëtohet me kujdes dhe vë theksin tek zbatimi me përpikmëri i rregullave të qarkullimit, në të kundërt shkelësit do të përballen me ligjin.