Një bunker bërthamor i ndërtuar në vitin 1961 gjatë luftës së ftohtë, i vendosur 5 metra nëntokë, ka dalë në shitje me vlerën 25 mijë paund. Ky bunker ndodhet në Britaninë e Madhe, ndërsa mësohet se është ndërtuar gjatë epokës së kërcënimit bërthamor dhe është i pajisur me një sistem të posaçëm të lidhjes së tokës, për të mbrojtur kundër pulsit elektromagnetik nga shpërthimet bërthamore. ‘The Sun’, shkruan se në vitin 1991 me rënien e Bashkimit Sovjetik, punëtorët ndaluan përdorimin e bunkerëve për trajnime javore. Mirëpo, në këtë situatë ku sërish kemi të bëjmë me një luftë mes Rusisë e Ukrainës, ky bunker doli në shitje, për të siguruar mbrojtje për personin që do ta marrë atë në zotërim. Ndryshe nga të tjetër, ky bunker nuk është përmbytur apo vandalizuar. Ai është në gjendje mjaft të mirë për çdo blerës të mundshëm. E ndërtuar sipas modelit standard të qeverisë, bunkeri përbëhet nga një cipë betoni i përforcuar me çelik pesë metra nën nivelin e tokës. Më pas hidroizolohet me bitum dhe më pas me një shtresë të jashtme tullash për t’u mbrojtur nga depërtimi.