Dy avionë rusë ndoqën 'në mënyrë të përsëritur dhe të rrezikshme' një avion mbikëqyrës britanik mbi Detin e Zi muajin e kaluar, tha ministria e mbrojtjes në Londër, në një deklaratë. "Ky incident është një tjetër shembull i sjelljes së rrezikshme dhe të papranueshme nga pilotët rusë, ndaj një avioni të paarmatosur që vepronte në hapësirën ajrore ndërkombëtare. Këto veprime krijojnë një rrezik serioz aksidentesh dhe përshkallëzimi të mundshëm", tha Ministri britanik i Mbrojtjes John Healey në deklaratë. Avionët rusë Su-35 dhe Su-27 interceptuan avionin Rivet Joint të Forcave Ajrore Mbretërore muajin e kaluar, me Su 27-ën që në një moment fluturoi vetëm gjashtë metra larg nga hunda e avionit britanik, shtoi deklarata. Healey vlerësoi “profesionalizmin e jashtëzakonshëm” të ekuipazhit të avionit britanik gjatë provokimit “të papranueshëm” rus, që Ministria e Mbrojtjes e quan veprimi më i rrezikshëm që nga viti 2022, kur një pilot “armik” lëshoi një raketë mbi një Rivet Joint mbi Detin e Zi.