Princi Philip, bashkëshorti i mbretëreshës Elisabetë e II dhe bashkëshorti më jetëgjatë i një monarkeje britanike, është ndarë nga jeta në moshën 99 vjecare. Filipi kaloi 65 vite duke mbështetur mbretëreshën, ai u tërhoq nga roli i tij publik në 2017-ën dhe qëndroi kryesisht larg vëmendjes që atëherë. Në vitet e tij aktive, ai ndihmoi në përcaktimin e një kursi të ri për monarkinë nën një mbretëreshë të re, duke mbrojtur Britaninë, kauzat ambjentaliste, shkencën dhe teknologjinë. Marrëdhënia e princit Filip me princeshën e re elisabetë, nisi si një histori dashurie të rinjsh. “Ne duket sikur i përkasim njëri tjetrit prej vitesh”, shkruante Elizabetha në një letër drejtuar prindërve të saj pasi u martuan. Me kalimin e viteve, mbretëresha pranoi që princi Philip ka patur shumë ndikim tek ajo, duke e quajtur atë forca dhe vullneti i saj, në një fjalim në përvjetorin e 50 të martesës së tyre. I lindur më 10 qershor 1921, në ishullin grek të Korfuzit, Princi Filip ishte djali i vetëm i princit endriu të greqisë dhe danimarkës, dhe princeshës Alice të Battenbergut. Mbreti i greqisë, xhaxhai i Filipit, u detyrua të abdikonte kur Filipi ishte foshnje dhe familja u vendos në paris, me Filipin që u shpëtua pasi ishte futur në një lloj djepi të bërë me një kuti portokalli. Në moshën 7 vjecare ai u vendos në angli, ku jetoi në pallatin e Kensingtonit, tani shtëpi e princit Uilliam. Filipi jetoi atje me gjyshen e tij dhe më vonë iu bashkua marinës mbretërore.