Sekretari i përgjithshëm i NATO-s Jens Stoltenberg ka paralajmëruar Rusinë që të mos guxojë të bombardojë autokolonat me ndihma ushtarake që perëndimi po dërgon për Ukrainën. Nëmpërmjet një reagimi në Tëitter, Stoltenberg thekson se nëse kjo gjë do ndodhte do të ishte një akt i rëndë që mund të sillte pasoja të paparashikueshme të luftës. Deklarata e Stoltenberg vjen pasi Rusia kërcënoi më herët se do të bombardonte këdo që do të dërgonte ndihma ushtarake në Ukrainë pasi këto furnizime do të konsideroheshin shënjestra legjitime prej saj. Kjo është hera e parë që NATO reagon me tone të tilla të ashpra ndërkohë që deri më tani retorikat kanë qenë më të matura. NATO ka hedhur poshtë në mënyrë të përsëritur kërkesën e Ukrainës për të shpallur zonën e ndalim fluturimit mbi vend për shkak të frikës se kjo do të conte në një përfshirje direkte kundër Rusisë dhe vetë Stoltenberg një ditë më parë, tha se Ukraina nuk duhet të bëhej luftë e NATO-s me Rusinë.