“Situata në Kosovë është stabile dhe e sigurt, pavarësisht se eksiztom një histori e brishtë”, kështu e ka cilësuar Zëvendësndihmës Sekretari i Përgjithshëm për Partneritete në NATO, ambasadori Kevin Hamilton, situatën para zgjedhjeve të parakohshme të 7 qershorit, dhe mundësisë për përsëritje të incidenteve në veri. Ambasadori është shprehur se KFOR dhe NATO janë gjithmonë duke vëzhguar dhe dëgjuar, për t’u siguruar që të mos ketë rritje të paqëndrueshmërisë. Teksa është ndalur tek sulmi në Banjskë, ambasadori Hamilton tha se NATO pret drejtësi për incidentet e vitit 2023, ndërsa theksoi se kjo çështje mbetet e rëndësishme edhe për raportet ndërmjet NATO-s dhe Serbisë. “mesazhi im për autoritetet serbe është se NATO pret llogaridhënie, që drejtësia të vihet në vend – ata që organizuan dhe kryen ato sulme duhet të përballen me drejtësinë”, tha ambasadori. Hamilton deklaroi se se Serbia i di autorët e këtij sulmi, prandaj presin hapa konkret.” topi është në anën e Serbisë për të ndërmarrë hapat e ardhshëm.”, tha diplomati. Ai paralajmëroi BEogradin, se disa procese të bashkëpunimit nuk mund të avancojnë pa pasur përgjegjësi për sulmet në veri të Kosovës.