Autoritetet në Miami, SHBA kanë publikuar planet e një kulle të re sensacionale me 100 kate që do të ngrihet mbi qytetin e Biscayne Bay, duke u bërë ndërtesa me e lartë në jug të New York City. Ndërtimi po promovohet si një “mrekulli arkitekturore” e cila do të ketë 360 rezidenca private që do të kushtojnë nga $1milionë secila, si dhe një hotel me pese yje, me 205 dhoma e suita. Ndërtesa do të përbëhet nga nëntë “kuba prej xhami” në dukje të zhvendosur, të cilat do të duken si asnjë ndërtesë tjetër në brigjet lindore të SHBA. Ajo është krijuar nga arkitektët Sieger Suarez në bashkëpunim me Carlos Ott. Ky i fundit tha: “Natyra unike e këtij projekti krijon jo vetëm një ndërtesë të veçantë por dhe një skulpturë që do të ndryshojë përgjithmonë linjën ajrore të Miami, me lartësinë dhe dizajnin e saj e veçantë”.