Ky është momenti i tmerrshëm kur një kryebashkiak ukrainas rrëmbehet nga forcat ruse, që e tërheqin atë zvarrë me një thes në kokë. Parlamenti ukrainas thotë se Ivan Fedorov, kryebashkiak i Melitopolit, refuzoi të bashkëpunonte me armikun dhe u rrëmbye në qendër të qytetit, ku ai po merrej me problemet e ndihmave për banorët. Një grup prej 10 pushtuesish rrëmbyen kryebashkiakun e Melitopolit Ivan Fedorov – shkruan zyrtarët në Tëitter. Gjatë rrëmbimit të Fedorovit, ata i vendosën atij një thes në kokë”. Pamjet tregonin Fedorov që nxirrej me një thes në kokë. Presidenti ukrainas Volodimir Zelenski konfirmoi rrëmbimin mbrëmjen e të premtes ndërsa ai e quajti këtë një shenjë dobësie të pushtuesve dhe i krahasoi ushtarët rusë me terroristët e ISIS-it. Ai po ashtu e lëvdoi Fedorovin duke e quajtur një kryebashkiak që me trimëri ka mbrojtur ukrainët dhe anëtarët e komunitetit të tij. “Ata nuk gjetën bashkëpunëtorë të cilëve do t’ia dorëzonin qytetin dhe pushtetin pushtuesve”, tha Zelenski në një video mesazh. “Për këtë arsye atya kanë kaluar në një fazë të re terrori kur përpiqen të eleminojnë fizikisht përfaqësuesit e autoriteteve lokale ukrainase”.