Top News-Misteri i vdekjes së 6 oligarkëve ruse / Vrasje apo vetëvrasje…! Çfarë thonë autoritetet…

Vetëm në katër muaj, 6 oligarkë të famshëm rusë kanë vdekur në rrethana të mistershme, 4 prej të cilëve kanë ndërruar jetë pas 24 shkurtit, kur dhe Rusia nisi luftën kundrejt Ukrainës. Pikërisht kjo cështje kaq delikate ka qenë nën optikën e hetuesve rusë, pasi ende është e paqartë vdekja e tyre. Vec 6 të vdekurve, shumë të tjerë janë shpallur të zhdukur, pa asnjë gjurmë dhe të tjerë kanë përfunduar në qeli nga autorietet e Kremlinit. Mirëpo, mesa duket vdekja e të parit oligark, ka ndjekur tjetrën. Fillimisht u regjistrua vetëm një vrasje, më pas një tjetër, dhe një tjetër, ndërsa numri ka arritur në gjashtë. Vladislav Avajev, u gjet i vdekur duke mbajtur një armë në dorë në banesën e tij në Moskë. Trupi i tij i pajetë u gjet pranë gruas dhe vajzës 13-vjeçare. Avayev, ishte ish-zëvendës president i Gazprombank dhe një zyrtar i Kremlinit më pare.