Shpërthime të fuqishme valësh radio me origji9në nga një galaksi e largët xhuxhe, që janë pikasur nga një teleskop i madh në Kinë, po i cojnë shkencëtarët më pranë zgjidhjes së asaj që është quajtur një mister kozmik që i ka lodhur ata prej vitesh. Që kur u zbuluan në 2007, astronomët janë përpjekur të kuptojnë se cfarë e shkakton fenomenin e shpërthimeve të valëve radiofonike që përfshijnë impulse rrezatimi elektromagnetik me frekuenca radioje me origjinë nga vende brenda galaktikës sonë Udha e Qumështit dhe nga galaksi të tjera po ashtu. Radio-valët kanë gjatësi të mëdha vale në spektrin elektromagnetik. Astronomët dyshojnë se këto shpërthime mund të lëshohen nga objekte të caktuara ekstreme. Ato mund të përfshijnë një yll neutron, bërthamën e një ylli masiv që ka shpërthyer si një supernova në fund të ciklit të tij të jetës, një magnetar-që është një lloj ylli neutron me fushë magnetike ultra të fortë; apo një vrimë e zezë që po gllabëron një yll fqinj. Kërkuesit ndërkohë thanë të mërkurën se kishin pikasur një sinjal të shpejtë radio me origjinë nga një galaksi xhuxhe rreth 3 miliardë vite dritë larg tokës. Zbulimi i këtyre valëve mund të ndihmojë tani shkencëtarët të përcaktojnë shkakun e tyre.