Mis bota në fuqi, caroline jurie, është arrestuar dhe më pas është lënë e lirë me kusht, në sri lanka pasi sulmoi fitusen e konkursit lokal të bukurisë duke i hequr kurorën nga koka. Sipas mis botës, misi i sapozgjedhur ishte e divorcuar dhe kurora nuk i takonte asaj. Mis Bota në fuqi, Caroline Jurie, ëhstë arrestuar dhe më pas është lënë e lirë me kusht në Sri Lanka, pasi ka sulmuar në skenë fituesen e konkursit të bukurisë, Mis Sri Lanka. Incidenti ndodhi pak pas kurorëzimit të Pushpika de Silva. Caroline Jurie, mis bota në 2019, është sulur drejt saj dhe i ka marrë kurorën që ishte fiksuar në flokët e saj me disa karfica të mprehta. Mis bota ia mori kurorën nga koka duke e akuzuar fituesen se nuk ishte e denjë për titullin sepse ishte e divorcuar. Ndërsa drama konsumohej në transmetim direkt televiziv, organizatorët e konkursit verifikuan që Pushpika de Silva nuk ishte e divorcuar por vetëm e ndarë ndaj edhe ia kthyen kurorën. “Ka një rregull që përjashton të divorcuarat, ndaj po ndërmarr nismën për tia dorëzuar cmimin konkurentes së dytë”, thirri Jurie para publikut në sallë, mes të cilëve edhe bashkëshortja e kryeministrit, e duke vendosur kurorën në kokën e misit tjetër që kishte filluar tashmë të entuziazmohej, ndërsa De Silva largohej nga skena në lotë.