Një cerdhe në itali është tani nën hetim pasi një gjysh, gabimisht, mori që andej fëmijën e gabuar duke e cuar madje edhe në shtëpi. Sipas raporteve, i moshuari, i kishte rënë aksidentalisht ziles së një cerdheje shtetërore në Arezzo, të premten, në vend të kopshtit që ndodhej ngjitur.Ai më pas kishte marrë vajzën e gabuar nga cerdhja dhe e kishte cuar në shtëpi. Gabimi u zbulua vetëm pas 30 minutash, kur anëtarët e tjerë të familjes kuptuan se ai kishte marrë mbesën e gabuar dhe më pas kishin kthyer fëmijën në cerdhe. Ndërkohë, prindërit e vajzës së vogël i kishin telefonuar policisë pasi vajza e tyre u raportua e zhdukur. Vajza që duhej të merrte gjyshi nga kopshti, ishte një ose dy vite më e madhe dhe vazhdonte të priste që të merrejh nga kopshti. Tani, bashkia e Arezzo-s ka nisur një hetim disiplinor ndaj një mësueseje dhe një kujdestareje. “Pati një gabim dhe do të merren tani masa kundër personave përgjegjës”, thanë zyrtarët lokalë. Të afërmit dhe dadot, duhet të paraqesin një deklaratë të posacme dhe të identifikohen para se ata të mund të marrin fëmijët nga kopshti apo cerdhja. Një operacion i madh kërkimi nisi pasi një gjysh kishte bërë të njëjtën gjë në një kopësht në poloni, në mars të këtij viti. Gjyshi kishte marrë gabimisht nga kopshti një katër vjecar, i cili sidoqoftë iu kthye prindërve në të njëjtën ditë.