Policia rrugore ka vijuar kontrollet në rrugët interurbane Tuneli i Krrabës-Elbasan, me qëllim evidentimin e shkelësve rrugorë dhe të drejtuesve të mjeteve që tejkalojnë shpejtësine e lejuar. Përgjatë 12 orëve kontroll, janë konstatuar disa shoferë të cilët qarkullojnë me shpejtësi tej normave t lejuara, që varinon nga 157 km/h deri në 162 km/h në kulmin e trafikut. Shërbimet policore bënë me dije se janë pezulluar 15 leje drejtimi për shpejtësi tej normale të lejuara. Po gjatë këtij harku kohor, në të njëjtin vend janë vendosur 34 masa administrative për shpejtësi dhe manovra në rrugë, si dhe janë vendosur 3 masa administrative me vlerë 40.000 lekë të rinj pasi drejtuesit e mjeteve ishin shtetas të huaj. Ndër të tjera, policia u bëri apel të gjithë drejtuesve të mjeteve, se në të gjitha akset nacionale nga Rruga e Kombit deri në Sarandë e nga Korca në Berat, si dhe në qendrat kryesore urbane ka patrulla të Policisë Rrugore me radarë, alkooltestues, dronë, kamera e aparatë fotografik.