Burgjet e Britanisë së Madhe regjistrojnë një numër të lartë të shqiptarëve të dënuar, shumica e të cilëve janë shpallur fajtorë për trafik dhe kultivim të lëndëve narktotike, e të tjerë për përfshirje në ngjarje kriminale. Pjesëtarët e tjerë të një rrjeti shqiptar, i cili merrej me kultivimin dhe trafikimin e lëndëve narkotike janë njohur së fundmi nga një gjykatë në britani me dënimin që duhet të kryejnë për aktivitetin e tyre kriminal. Gjykata dënoi Erdi Haldedën me 2 vite e 6 muaj burg, Olti Gjonin me 12 muaj, Elegantin Alcani me 2 vite e 7 muaj burg për kultivim të kanabisit, ndërsa vëllanë e këtij të fundit Klerdi me 6 vite e gjysmë për shkak të prodhimit të kanabisit dhe posedimit të pasurisë kriminale. Një shtetase britanike, e cila bashkëpunonte me rrjetin kriminal të shqiptarëve, po ashtu u dënua me 9 vite e gjysmë burg.