Është sovranja më jetëgjatë në historinë e ballkanit dhe ai i saji, është absolutisht, mbretërimi më i gjatë: Mbretëresha Elizabetë ka mbushur 96 vjec dhe ka zgjedhur që ditëlindjen ta festojë e vetme. Ajo ka shkuar në pallatin në Sandringham, në Norfolk, ku princi filip kishte zgjedhur të qëndronte pasi u tërhoq nga jeta publike, për të qenë shpirtërisht më pranë bashkëshortit që u nda nga jeta një vit më parë. Ndërkohë, për të festuar me nënshtetasit e saj, ka zgjedhur të publikojë një foto të re zyrtare, të shkrepur muajin e kaluar në Uindsor, ku ajo shfaqet e buzëqeshur dhe energjike, bashkë me dy prej kuajve të saj. E vogël në shtat por me një forcë të madhe, Elizabeta është përballur me stuhitë e jetës dhe e ka drejtuar mbretërinë në kohë të vështira. Duke filluar nga vdekja e Lady Dianës e deri tek Megxiti, nga fundi i erës koloniale tek Bexiti, gjithnjë e salduar në fron dhe gjithnjë e fortë dhe e vendosur. E pavarësisht moshës së shkuar dhe shëndetit që po fillon të mos jetë më aq i hekurt, nuk mendon aspak për abdikimin, edhe pse ndër vite ka mësuar ti delegojë djalit të saj Charlsit, bashkëshortes së tij Kamila, nipit Uilliam dhe nuses së tij Kejt, më shumë detyra. E pikërisht këta të fundit i kanë dedikuar mbretëreshës një urim në rrjetet sociale, duke ndarë disa foto të familjes. “Një frymëzim për kaq shumë njerëz në mbretërinë e bashkuar, në Komonuelth dhe në botë”, kanë shkruar ata.