Shqipëria ka mbi 10 milionë rrënjë ulliri, që në total kanë prodhuar afërsisht 160 mijë tonë ulli kokërr dhe 20 deri në 25 mijë tonë vaj ulliri. Këto janë shifrat e përafërta që përllogariten nga autoritetet, që për shkak të informalitetit të madh në këtë treg, e kanë të pamundur që të japin një shifër të saktë, por vlerësojnë se mbiprodhimi këtë vit përllogaritet në këto përmasa. Edhe nëse merret për bazë 20 mijë tonë vaj ulliri i prodhuar këtë vit, shifra tregon se vendi ynë është futur në listën e një grushti të vogël vendesh mesdhetare me prodhim të lartë të këtij produkti për frymë.