Brazili ka regjistruar më shumë se 4 mijë viktima nga koronavirusi në 24 orë për të parën herë, ndërsa një variant më ngjitës po ndikon në rritjen e infektimeve. Spitalet janë të tejmbushura, me njerëz që vdesin ndërsa presin për trajtim në disa qytete dhe me sistemin shëndetësor në buzë të kolapsit në shuë zona. Bilanci total i viktimave në vend është tani mbi 337 mijë, i dyti më i madh pas atij në SHBA. Por, presidenti Jair Bolsonaro, vazhdon të kundërshtojë masat e izolimit për të ndaluar infektimin. Ai argumenton se dëmi ndaj ekonomisë do të ishte më i rëndë se sa efektet e vetë virusit dhe është përpjekur të shfuqizojë disa kufizime të vendosura nga autoritetet lokale në gjykata. Deri më sot, Brazili ka regjistruar më shumë se 13 milionë raste koronavirusi sipas ministrisë së shëndetësisë. Rreth 66570 persona humbën jetën nga covidi vetëm në mars, më shumë se dy fishi i rekordit mujor të mëparshëm.