Një 32-vjeçar i dënuar me 4 vite burg për dhënie ndihmë emigrantëve të paligjshëm në Maqedoninë e Veriut është arrestuar këtë të shtunë në Durrës. Mevait Osmani do të ekstradohet drejt Maqedonisë së Veriut, ku do të vuajë dënimin, pas përfundimit të procedurave në vendin tonë. “Në dalje të Pikës së Kalimit Kufitar në Port, Durrës, shërbimet e Policisë Kufitare si rezultat i masave të shtuara dhe shkëmbimit të informacionit me Interpol Tirana dhe DVP Durrës, kanë ndaluar shtetasin Mevait Osmani, i shpallur në kërkim ndërkombëtar”, deklaron policia në njfotimin zyrtar. Gjatë përpunimit dhe verifikimit të të dhënave në sistem, ky shtetas ka rezultuar në kërkim, pasi Gjykata Kundër Krimit të Organizuar dhe Korrupsionit në Maqedoninë e Veriut, e ka dënuar me 4 vjet burg, për veprën penale “Organizim i paligjshëm i emigracionit”. Tashmë priten të përfundojnë procedurat përkatëse, në mënyrë që I arrestuari në vendin tonë, të ekstradohet drejt Maqedonisë së Veriut.