Është koha për spektakël qiellor sot, ndërsa pjesa më e madhe e hemisferës veriore do të jetë dëshmitare e një eklipsi diellor. Eventi i vecantë, është ai që klasifikohet si eklipsi unazor dhe do të shohë hënën që të lëvizë përballë diellit por pa e bllokuar tërësisht dritën e tij. Në fakt, do të ketë vetëm një unazë të artë që do të shkëlqejë përreth diskut të diellit. Spektakli më i bukur do të mund të shihet në arktik. Jo shumë njerëz jetojnë atje, por një pjesë e madhe e globit do të mundet sidoqoftë të shohë një eklips të pjesshëm kur hëna do të duket sikur po kafshon diellin. Këtu përfshihen SHBA, alaska si edhe pjesa më e madhe e kanadasë, greenlanda dhe pjesë të evropës dhe azisë. Si gjithnjë, këshilla është që të mos tentohet të shihet dielli me sy të lirë pasi kjo mund të shkaktojë dëmtime. Kushdo që do të dojë të shijojë spektaklin do të duhet ta bëjë këtë me pajisje të posacme mbrojtëse. Ndërkohë në evropë, klubet lokale të astronomisë janë mobilizuar duke organizuar evente në të cilat i tregojnë njerëzve se si do të mund ta shohin eklipsin në siguri të plotë.