Ndërsa turistët po kthehen në itali, një nga qytetet që e ka pësuar më rëndë në duart e turistëve, ka zgjedhur të reagojë. Në përpjekje për të evituar mbipopullimin, në këto kohë pasigurie, autoritetet në Firence kanë njoftuar se njerëzit do të ndalohen në zonat më popullore të jetës së natës, me përjashtim të rasteve kur ata janë duke ngrënë ose pirë në zonë. Kryebashkiaku i firences, Dario Nardella, nënshkroi një urdhër në të cilin i ndalonte njerëzit të shëtisnin në zonat popullore, mbrëmjet e fundjavës deri në një urdhër të dytë. Aksesi në gjashtë zona të qendrës historike, nuk lejohet nga ora 21 deri në 6 të mëngjesit, me përjashtim të rasteve kur njerëzit përdorin baret dhe restorantet atje.