Ka shenja të shumta që tregojnë se Rusia është pranë marrjes së kontrollit të Mariupolit, qytetit port në jug të Ukrainës, që mbahet i rrethuar dhe është thuajse rrënuar nga gjashtë javë sulme. Zyrtarisht, forcat e armatosura të ukraiunës thonë se po rezistojnë me mbrojtjen dhe janë në kontakt të vazhdueshëm me trupat e tyre në terren. Por ata pranojnë se ka gjasa që moska të përpiqet të marrë kontrollin e plotë të qytetit ndërsa një lider rajonal separatist, i rajoneve të mbështetur nga rusia, pretendon se Mariupoli është pranë rënies. Trupat ukrainase kanë thënë se atyre po u mbarojnë municionet dhe besohet se janë kthyer pas në xhepa të izoluar pranë bregdetit. Fati i qytetit, ka gjasa të jetë kritik për fazën e ardhshme të luftës. Në duart e rusisë, qyteti do ti ofronte trupave të Putinit kontrollin e një trajektoreje tokësore që lidh dy frontet e moskës në jug dhe në lindje. Do ti jepte putinit më shumë forca në dispozicion për ti ridislokuar në një tjetër front por edhe një moment fitoreje strategjike pas dështimeve të deritanishme. E kjo do të shënonte edhe një humbje të madhe për lidershipin e Ukrainës, që e ka quajtur Mariupolin, zemrën e kësaj lufte.