Sipas të dhënave të Pentagonit SHBA ka zhvilluar një tip të ri dronësh, që u përgjigjet kërkesave të ushtrisë ukrainase dhe që do të vazhdojë të përshtatet edhe më tej: "Phoenix Ghost". Më shumë se 120 drone të tilla do të dërgohen në Ukrainë, në kuadër të ndihmës ushtarake amerikane prej 800 millionë dollarësh amerikanë. Që kur u bë e ditur kjo është duke u diskutuar për specifikat e Phoenix Ghost: Çfarë pamje ka? Çfarë ndryshimi ka me sistemet e deritanishme të armëve? Shumë gjëra nuk dihen. Fotografi nuk ka. Droni i ri u ngjan dronëve të ashtuquajtura Sëitchblade që u prodhua për t'u përdorur nga njësitë speciale amerikane në Afganistan. "Ato janë një lloj përzierje rakete dhe droni", shpjegojnë ekspertët.Dronët Sëitchblade, ekzistojnë në variacione të ndryshme. Modeli më i vogël peshon 2,5 kilogram, ka rreze 10 kilometra dhe mund të vijë vërdallë në ajër për 15 minuta.