Shtetet e Bashkuara dhe disa qeveri europiane kërkuan lirimin e menjëhershëm të liderit opozitar rus, Aleksei Navalny, të prangosur fill pas mbërritjes në Moskë. 44 vjecari u kthye në vendin e tij pesë muaj pasi shkoi në buzë të vdekjes për shkak të agjentit nervor Novichok. Navalny, kritik I njohur I Kremlinit, është I bindur se ishin autoritetet ruse ato që deshën ta helmonin. Qeveria e presidentit Vladimir Putin e mohon me forcë një gjë të tillë. Prangosja shkaktoi reagime te menjëhershme ndërkombëtare. Ministri I jashtëm gjerman, Heiko Maas deklaroi se Rusia duhet të respektojë kushtetutën e saj dhe është e lidhur përmes detyrimeve ndërkombëtare me parimin e ligjshmërisë dhe ruajtjen e të drejtave qytetare. "Këto parime duhet sigurisht të zbatohen edhe në drejtim të Aleksej Navalnyt. Ai duhet të lirohet pa vonesë, " tha Maas. Navalny pas shërimit u kthye me vetëdije nga Gjermania në Rusi. "Që ai arrestohet nga autoritetet ruse menjëherë pas mbërritjes së tij është tërësisht e pakuptueshme", ka theksuar Maas. Më tej ministri i Jashtëm gjerman, ka theksuar se "Navalny është viktimë e një atentati të rëndë me helm në tokën ruse". Qeveria gjermane pret për më tej që "Rusia të bëjë gjithçka, për të zbardhur tërësisht këtë atentat dhe të nxjerrë para përgjegjësisë autorët e tij."Rasti Navalny solli tensionim të marrëdhënieve diplomatike mes Gjermanisë dhe Rusisë vitin e kaluar. Qeveria gjermane dhe vende të tjera perëndimore folën për një përpjekje për vrasje. Gazeta amerikane "Neë York Times" shkruan mbi arrestimin e Navalnyt, se "represioni është e vetmja rrugë që njeh Putini.