Deri në 20 vatra të mëdha zjarri mbeten aktive në Spanjë, kryesisht në rajonin veriperëndimor të Galicisë, ndërsa flakët vazhdojnë të djegin edhe portugalinë fqinje. Spanja ka dërguar edhe 500 ushtarë të tjerë për të luftuar zjarret e përhapura në kushtet e përvëlimit, duke e çuar totalin në 1,900. Zjarret kanë djegur 158,000 hektarë tokë deri më tani dhe tre persona kanë humbur javën e kaluar si pasojë e tyre. Disa prej vatrave të zjarrit në Galici, janë bashkuar për të formuar një front të stërmadh flakësh që ka cuar në mbylljen e rrugëve dhe shërbimeve hekurudhore. Një pjesë e rrugës së famshme të pelegrinazhit Camino de Santiago u mbyll të hënën ndërsa zjarri u përhap në shpatet jugore të vargmalit Picos de Europa. Autoritetet mbyllën shtegun mes qyteteve Astorga dhe Ponferrada, rreth 50 km larg njëri-tjetrit, dhe u thanë pelegrinëve "të mos rrezikojnë jetën". Katër zjarrfikës kanë humbur jetën deri më tani.