Takimi virtual mes liderëve europianë që shoqërojnë presidentin e Ukrainës, Volodimir Zelensky në takimin e kësaj të hëne me Presidentin amerikan Donlad Trump në Uashington zgjati pak më shumë se 2 orë. Planin e zbuloi presidenti i Francës Emanuel Macro, sipas të cilit vendet e Europës do të shkojnë në Uashington si një front i bashkuar. Udhëheqësi francez tha se në një kohë që lufta në Ukrainë po hyn në një "fazë vendimtare" grupi i të vullnetshmëve tani do t'i bëjë presion Trumpit të tregojë se sa larg është i përgatitur të shkojë në aspektin e garancive të sigurisë për Ukrainën. I pyetur nëse beson se Presidenti rus Vladimir Putin dëshiron që lufta në Ukrainë të përfundojë, Emmanuel Macron përgjigjet me: “Jo”. Presidenti francez thotë se ata duan t’i kujtojnë Trumpit “çfarë i bashkon SHBA-të, Ukrainën dhe BE-në”, duke përmendur dëshirën e tyre të përbashkët për paqe dhe që Rusia të respektojë “ligjin ndërkombëtar dhe sovranitetin territorial”. "