Takimi i sotën në Shtëpinë e Bardhë, për BBC-në, mund të jetë edhe më i rëndësishëm për të ardhmen e Ukrainës - dhe për të gjithë sigurinë e Evropës - sesa samiti SHBA-Rusi i të premtes në Alaska. Në sipërfaqe, u duk sikur ai ribashkim Putin-Trump dukej se përmbushi çdo pritshmëri, shkruan gjigandi mediatik anglez. Por në të vërtetë, në fund të tij nuk pati armëpushim, as sanksione, as njoftime madhështore. A ishin Ukraina dhe Europa gati të përjashtoheshin nga një marrëveshje e gatuar pas dyerve të mbyllura nga dy fuqitë kryesore bërthamore në botë? Me sa duket, dhe me gjasë, ushqejnë shpresa se ende mund ta parandalojnë atë. Prania e Sir Keir Starmer, Presidentit Macron, Kancelarit Merz dhe udhëheqësve të tjerë së bashku me Presidentin Zelensky në Uashington duket synon edhe më shumë sesa thjesht sigurimin e garancive që ai të mos përballet me një tjetër situatë të sikletme në Zyrën Ovale, si ajo e 28 shkurtit. Ata janë të vendosur t'i bëjnë përshtypje Donald Trump në dy gjëra, insiston BBC: së pari, se nuk mund të ketë marrëveshje paqeje për Ukrainën pa përfshirjen e drejtpërdrejtë të Ukrainës dhe së dyti, se ajo duhet të mbështetet nga garanci sigurie "të hekurta". E mbi të gjitha. Liderët e Europës duan të përcjellin një mesazh të heshtur uniteti, e të shfaqin një front të bashkuar përpara Trumpit. Ata, vazhdon shkrimi, ata janë të etur të sigurohen që ai të mos ndikohet nga raporti i tij i dukshëm personal me Vladimir Putinin, dhe të mos dorëzohet përpara pretendimeve të Kremlinit. Këtu do të vihen në një sprovë të ashpër aftësitë diplomatike të Sir Keir Starmer. Trump e pëlqen Starmerin dhe ia vë veshin kryeministrit britanik, ndërsa pas një muaji presidenti amerikan kanë planifikuar një vizitë shtetërore në Mbretërinë e Bashkuar. Republikanit po ashtu i pëlqen gjithashtu Mark Rutte, Sekretari i Përgjithshëm i NATO-s i cili do të jetë i pranishëm dhe që në qarqet diplomatike i referohe shpeshherë si "Pëshpëritësi i Trumpit", ndërsa duket se nuk me sy të mirë presidentin francez Macron, të cilit së fundi Shtëpia e Bardhë ia kritikoi pubnlikisht synimet për njohjen pa kushte të shtetit të Palestinës në Asamblenë e ardhshme të Përgjithshme të OKB-së.