Ideja e shërbimit të detyrueshëm ushtarak po lakohet gjithmonë e më shumë në Gjermani. Bundesëehr-i ka nevojë urgjente për njerëz – dhe me këtë, partnerët e koalicionit gjerman, kristiandemokratët dhe socialdemokratët bien dakord. Kancelari Friedrich Merz, dëshiron ta bëjë Bundesëehr-in ushtrinë më të fortë konvencionale në Evropë, e cila kërkon pajisje më të mira dhe dukshëm më shumë se 183,000 anëtarët aktualë. Bazuar në popullsi, por edhe sipas udhëzimeve të NATO-s, Bundesëehr-i duhet të rritet me 60,000 ushtarë. Sesi do të arrihet kjo rritje, këtu opinionet ndryshojnë. SPD-ja vazhdon t`i mëshojë zgjidhjes përmes shërbimit ushtarak vullnetar, por me këtë jo të gjithë janë të kënaqur. Sipas projektligjit, shërbimi ushtarak duhet të bëhet më tërheqës nga viti 2026, por zgjedhja u lihet vetë në doë të ruinjve. Nuk parashikohet që të ketë një detyrim ushtarak siç ekzistonte në Gjermani deri në vitin 2011. Vullnetarizmi është jashtëzakonisht i rëndësishëm për socialdemokratët: ata e konsiderojnë shërbimin ushtarak si një ndërhyrje shumë të madhe në jetën e të rinjve. Kjo për ministrin socialdemokrat të mbrojtjes Boris Pistorius, mund të sjellë mesatarisht 25,000 deri në 30,000 ushtarë të rinuj cdo vit. Por CDU-CU insiston se në situatën aktuale nuk mjafton vetëm mbështetja tek vullnetarët. Sipas nënkryetarit të grupit parlamentar të CDU-së, Norbert Röttgen, një e metë serioze në projektligjin për shërbimin ushtarak është "se ai nuk përmban fare qëllimet e NATO-s, qëllimet për të cilat jemi zotuar", i tha ai të përditshmes Die Ëelt. Sipas planeve fillestare të Ministrit të Mbrojtjes, rekrutimi do të ishte i detyrueshëm për të gjithë të rinjtë 18-vjeçarë që nga fillimi i vitit 2028, por mjaft politikanë vendas insistojnë që kjo të ndodhë edhe më parë.