Ka patur shumë pikëpyetje rreth asaj që mund të ketë thënë Vladimir Putini e që duket se i “trembi” anëtarët e ekipit të Donald Trump pasi dy udhëheqësit u takuan në Alaskë. Kjo, pasi këshilltarët e Presidentit amerikan thuhet se dolën me “fytyra të zbehta” dhe “të frikësuar” pas takimit që zgjati për dy orë e gjysmë mes dy udhëheqësve të premten. Trump pranoi pas takimit se ai dhe Putini nuk kishin arritur një marrëveshje për krizën ndërkohë që samiti përfundoi më herët nga sa pritej dhe dreka e planifikuar mes liderëve në bazën ushtarake amerikane u anulua. Në konferencën për shtyp, udhëheqësit nuk pranuan asnjë pyetje nga dhoma e mbushur me gazetarë. Duke përshkruar gjendjen shpirtërore të ndihmësve të Trumpit, si Sekretarja e Shtypit Karoline Leavitt dhe i Dërguari i Posaçëm Steve Ëitkoff pas takimit, Korrespondenti Kryesor i Shtëpisë së Bardhë i NBC Neës, Peter Alexander, tha se "sytë e tyre ishin të zgurdulluar" dhe "të zbehtë". "Ajo që më bëri përshtypje ishin shprehjet në fytyrat e shumë anëtarëve të delegacionit amerikan", tha ai. Leavitt "dukej e stresuar dhe e shqetësuar", ndërsa Ëitkoff "hyri në dhomë, e më pas doli shpejt prej saj". Prezantuesja e MSNBC, Antonia Hylton, gjithashtu tha se Leavitt dukej "e zbehtë" dhe "e frikësuar" pas asaj që kishte parë "pas dyerve të mbyllura" ndërsa doli nga takimi i Trump me presidentin rus.