Një zjarr i madh ka shpërthyer në një qendër biznesi në Moskë, me dhjetëra persona që druhet se janë bllokuar atje. E ky është më i fundit në një seri zjarresh misterioze që kanë goditur rusinë në mes të zërave për një fushatë sabotazhi për Ukrainën. Dhjetëra persona druhen të bllokuar brenda ndërtesës 10 katëshe Grand Setun Plaza, në lagjen Kontsevo në Moskë, pasi zjarri shpërtheu më herët të premten. Gjeneral majori Aleksander Kurenkov, ish truprojë e Putinit që së fundmi është zgjedhur ministër emergjencash, shkoi në vendngjarje për të parë nga afër operacionin e shpëtimit.