Të paktën 150 njerëz u vranë në SHBA nga dhuna me armë në më shumë se 400 episode të shtënash me armë zjarri në të gjithë vendin gjatë fundjavës së 4 Korrikut ndërsa qytetet kryesore në mbarë vendin përballen me një rritje të krimit të dhunshëm, sipas të dhënave të përpiluara nga Arkivi i Dhunës me Armë. Të dhënat, që përfshijnë numrin e incidenteve të të shtënave dhe viktimave të dhunës me armë në shkallë vendi gjatë një periudhe 72 orëshe nga e premtja deri të dielën, janë ende në zhvillim dhe po përditësohen. Në Neë York për shembull, ku dhuna me armë është rritur në nivele që nuk janë parë prej vitesh, pati 26 viktima në 21 ngjarje nga e premtja në të dielën, një rënie nga e njëjta periudhë e vitit të kaluar kur 30 njerëz u qëlluan në 25 ngjarje me armë zjarri, ka thënë Neë York Police Department. Ndërkohë, vetëm më 4 korrik, qyteti thuhet se përjetoi 12 incidente me të shtëna që përfshinë 13 viktima, një rritje nga viti i kaluar kur kishte 8 incidente dhe 8 viktima, sipas NYPD. Sipas burimeve, deri më tani këtë vit, incidentet e dhunës me armë në Nju Jork kanë arritur pothuajse 40% të atyre të së njëjtës periudhë në vitin 2020, me 767 të shtëna dhe 885 viktima.